Vawiin 07.10.2013 zing dar 10:00-ah khan Joint Coordination Committee (JICA) chu an Chairperson, Pi L.Tochhong, Chief Secretary hovin a vawikhatna atan an thu khawm. Minor Irrigation Department leh JICA hmalakna-in ‘Study on Development and Management of Land and Water Resources for Sustainable Agriculture in Mizoram' bul tan a ni a, he Development Study hnuaia hmalak dan tur he meeting-ah hian sawiho a ni. He meeting-ah hian Department hrang hrang, Agriculture & Allied Departments, Environment & Forest Department leh Rural Development Department aiawhte and tel a ni.
Japan International Cooperation Agency (JICA) hi Japan sawrkarin ram dang tanpui tur leh hmasawnna lam hna hrang hrang thawk tura a din a ni. He Development Study ti tur hian September ni 28 khan Japan mithiam pali rawn thleng tawhin office te hawngin hna an thawk tan nghal a, October thla lai_h hian midang panga an rawn thlen belh leh ang. He Development Study hi thla 20 chhungin thiamna bik hrang hrang nei mi 12 ten hna an rawn thawk ang a, a senso zawng zawng hi Japan sawrkar tum tur a ni.
He meeting-ah hian S.Yamaoka, Rural Development Planning Specialist, Leader of the JICA Team of Experts ni bawk chuan hmalakdan tur an duanchhuah chu Presentation hmangin a hrilhfiah a. JCC Chairman Pi L.Tochhong chuan an ruahmanna chu tha a tih thu leh Mizoram hmasawnna atan 'Roadmap' pawimawh tak a nih dawn thu a sawi a, zing dar 11:15 khan he Development Study hi official-in a hawng a ni
